ဆေးသားတွေ နုလှချည်ရဲ့
ရှုပ်ပေပွနေတဲ့ အလုပ်တွေကြားထဲမှာလည်း
နေမပျော်ပေမယ့် အနေတော်လည်း နေခဲ့ဖူးပြီ
ဟောဒီ နှစ်ဆယ့်ခုနှစ်နှစ်တာလုံးလုံးမှာလည်း
ကိုယ့်ကိုယ်ကို ပြန်ပြန်ပြုံးပြပြီးမှ ခရီးဆက်ခဲ့ရတာချည်းပဲ
ခုတော့ တစ်ယောက်တည်း မသွားရဲတဲ့ဘ၀ကို
အဖော်ကောင်းကလည်းပါရဲ့ ...
မနေ့ကနဲ့ တနေ့ကလို ကိုယ့်ကိုယ်ကို အကြိမ်ကြိမ်စိတ်ပျက်မှုတွေကြားထဲကပဲ
ဆွဲထုတ်ခဲ့သူရေ ...
ကိုယ့်ဘ၀ အသက်တစ်နှစ်ပိုကြီးသွားပေမယ့်
ကိုယ့်ခွန်အားတစ်နှစ်စာ ပိုတိုးလာခဲ့ပေါ့
ဘာတဲ့လဲကွယ် ...
ဟောဟိုရှေ့နားက ကိုယ်တို့ရဲ့ ပန်းတိုင်ကို မြင်နေရမှပဲ
ကိုယ် ခဏခဏ လဲကျမနေတော့ပါဘူး
ဆက်သွားကြတာပေါ့လေ ...
ဖေဖေ၊ မေမေကိုလည်း ပြောလိုက်ပါရဲ့
ဟောဒီ သား ...
လူမိုက် မဟုတ်တော့ဘူး
သူ့ဘေးမှာ လူလိမ်မာလုပ် ...
ဘ၀ကို ပျော်ရွှင်မှုတွေနဲ့ပဲ အရိုးထုတ်သွားတော့မယ်။
ကိုဖြိုး
