စိတ်ကို လွှတ်ချလိုက်တော့ “ခွမ်း” ခနဲ မြည်ပြီးကွဲသွားတယ်
သတိထားကြလေ ... ထိလွယ်ရှလွယ်တွေ ဖြစ်နေလိမ့်မယ်
ကိုယ့်ဘ၀ကို ကိုယ်သာယာကျေနပ်နေဖို့ ဘာအကြောင်းပြချက်တွေ
ပေး ... ပေး ... နေရမှာလဲ ... ပြော ... ပြော ... ပြောကြည့်ကြ
တစ်သက်လုံး တစ်ဘ၀လုံး ... အတူတူနေသွားကြမယ့် သူငယ်ချင်းတွေရှိတယ်တဲ့
ငါ မထင်ပါဘူး ... တစ်သက်လုံး တစ်ဘ၀လုံး ခိုင်းစားမယ်ဆိုတဲ့ သူတွေပဲဖြစ်မယ်
ခင်မင်ရင်းစွဲပါပဲ ... မြင်မြင်ချင်းကတည်းကကို “သောက်မြင်ကတ်တယ်”
ငါက အရှက်လည်းနည်း အဖတ်လည်း လုပ်ဖို့ မတန်တဲ့ကောင်လေ
အဆင့်အတန်းတစ်ခုကို ထားပြီးမှ စကားပြောမယ့်သူတွေကို ...
ငါ့အနားကနေ ဆွဲခေါ်ကာသွားလိုက်ကြ ...
ကြာလာရင် နားရင်းထအုပ်မိမယ် ...
ထပ်ပြောပြလိုက်ပါ့မယ် ... သိပ်ကို သိချင်နေသူတွေအတွက်ပေါ့
ငါက ဘာကောင်မှ မဟုတ်ပါဘူး ...
အနည်းဆုံးတော့ ဘာကောင်ပါဆိုတဲ့ ဘောင်ထဲက လူတွေထက်တော့ လွတ်လပ်တယ်
လောက လူ့ဘောင်စည်းကမ်းကို ချိုးရိုက်ခွဲ
ကြမ်းပြင်ထက်မှာလည်း စိတ်ဓါတ်တွေချည်းပဲ ကျကျကွဲသံတွေ ကြားနေရ
သိပ်ကို အောက်တန်းကျတယ်ပြောလိုက်ရင် အလိုလိုနေရင်းနဲ့ပဲ အထက်တန်းရောက်သွားဦးမယ်
ထားလိုက်ပါကွယ် ... ထားလိုက်ပါ ...
ငါးခုံးမတစ်ကောင်နဲ့ တစ်လှေလုံးအပုပ်မခံတော့ဘူး ...
ငါ့ လမ်းကို ငါ့လက်ဆွဲမယ့်သူနဲ့ပဲ ဆက်သွားမယ် ...
ဆက်သွားမယ် ... ဆက်သွားမယ် ...
လာလာလေ လိုက်ခဲ့တော့ကွယ် ...

ကိုဖြိုး

iPhone 3G တဲ့ဗျာ ...
Apple ကတော့ ထုံးစံအတိုင်းပါပဲ။ လူတွေကို ဘယ်လိုကိုင်လှုပ်ရမလဲ။ လူတွေရဲ့ စိတ်ဝင်စားမှုတွေကို ဘယ်လို သိမ်းကျုံးယူရမလဲ။ ဒါပဲစဉ်းစားနေတယ်။ လူထဲက လူတစ်ယောက်ပဲမို့ ကျွန်တော့်လက်ထဲကို iPhone 3G ကလေးရောက်လာတယ်။

လူတကာ တမေးထဲ မေးနေကြတဲ့ မေးခွန်းက တစ်ခုတည်း iPhone 3G က ဘာတွေပိုထူးလာလဲ? လူတကာပါးစပ်ဖျားမှာ ရေပန်းစားနေတာကလည်း တစ်ခုတည်း iPhone 3G။

အရင်ဆုံး ပြောပြချင်တာက ဘာတွေပိုထူးလာလဲ သိချင်ရင်တော့ ဒီမှာသွားကြည့်လို့ရပါတယ်။ ဒါဟာ iPhone ရိုးရိုးကနေ 3G ကို ဖြစ်လာချိန်မှာ ပိုပြီးသစ်လွင်လာတဲ့ နည်းပညာတွေကိုဖော်ပြထားတာပါ။ 3G နည်းပညာအရ အင်တာနက်အသုံးပြုမှုတွေ အီးမေးလ်အသုံးပြုမှုတွေမှာ iPhone ဟာ ပိုမိုမြန်ဆန်လာပါတယ်။ Apple ရဲ့ အဆိုအရတော့ Go Anywhere လို့ ဆိုပါတယ်။ ဒါပေမယ့် နေရာတိုင်းတော့ 3G အသုံးမပြုနိုင်သေးပါဘူး။ တစ်ခု သတိထားရမှာက 3G ကို အသုံးပြုရင် ဖုန်းရဲ့ ဘတ်ထရီသက်တမ်းကို ပိုမိုလျှင်မြန်စွာ လျော့ကျစေမှာ ဖြစ်ပါတယ်။

နောက်တစ်ခုကတော့ iPhone in Enterprise ဖြစ်ပါတယ်။ စီးပွားရေးလုပ်ငန်းရှင်တွေအတွက် ပိုပြီး အသုံးတည့်စေမှာ ဖြစ်ပါတယ်။ ဒါလေးတော့ ရှိဖို့လိုမှာပေါ့နော်။

နောက်တစ်ခုက Maps with GPS ဖြစ်ပါတယ်။ ဘယ်နေရာကို ရောက်နေနေ အလွယ်တကူ ကြည့်ရမြင်ရအောင် ဖန်တီးပေးထားပါတယ်။

နောက်တစ်ခုကတော့ App Store ပေါ့။ ထောင်ပေါင်းများစွာသော Application တွေကို ၀ယ်ယူရရှိနိုင်ပါတယ်။ အဲလိုပဲ အလကားရတာတွေကလည်း မနည်းမနောပေါ့။

တခြားတခြားသော ဖုန်းတစ်လုံးမှာ ပါနေကြ အရည်အသွေးတွေကလည်း အတော်လေးကို ပြည့်စုံပါတယ်။

သုံးစွဲကြည့်တဲ့အခါမှ အဆင်မပြေတာလေးတွေကို ပြောပြသွားပါ့မယ်။ ပုံမှန် အနေအထားမှာ Message တွေကို Fordward လုပ်လို့မရဘူး။ ဗီဒီယိုရိုက်လို့မရဘူး။ RingTone တွေကို စိတ်တိုင်းကျ ပြောင်းလို့မရဘူး။ ကိုယ်ထပ်ထည့်ချင်တာတွေအတွက် အခက်အခဲရှိတယ်။ အသံတဖြည်းဖြည်း ကျယ်လာတာမျိုး မရှိဘူး။ Build In Speaker က အသံနည်းနည်းတိုးတယ်။ ဒါပေမယ့် JailBreak လုပ်လိုက်ရင်တော့ Message Forward တို့၊ Video ရိုက်တာတို့၊ Ring Tone ဖန်တီးတာတို့က ရနိုင်ပါတယ်။ JailBreak လုပ်ချင်သပဆိုရင်တော့ ဒီမှာ သွားရှာဖတ်လို့ရပါတယ်။

iPod ကလေးကတော့ ပြောစရာမလိုအောင်ကို အပြစ်ကင်းလွန်းပါတယ်။

တစ်ခုပါပဲ။ Apple ရဲ့ Version Update တွေကို စောင့်နိုင်မယ်ဆိုရင်တော့ သူ့အလိုလိုသူလည်း ရလာနိုင်ပါတယ်။ iPhone ရဲ့ အားသာချက်တစ်ခုကတော့ ဖုန်းတစ်ခုခုဖြစ်ပြီဆိုရင် ဆိုင်တွေ ဘာတွေ ပြေးဖို့မလိုပါဘူး။ အင်တာနက်ရှိရုံ iTunes ရှိရုံနဲ့ Restore ပြန်လုပ်လို့ရပါတယ်။ အိုင်ဖုန်းအသုံးပြုသူတွေအတွက် သိထားသင့်တဲ့ အချက်တစ်ခုကတော့ တစ်ခါတရံမှာ ဖုန်း ကြောင်သလိုဖြစ်သွားရင် Power Button နဲ့ Home Key ကို တပြိုင်နက်တည်း ဆယ်စက္ကန့်လောက် နှိပ်ပြီး Restart လုပ်ပေးနိုင်တယ်ဆိုတာပါပဲ။ အခုတော့ သနားစရာ iPhone 3G လေးကို ထပ်ကလိလိုက်ပါဦးမယ်။

ကိုဖြိုး

မွေးရပ်မြေမှာ အမေရှိတယ် ပြီးတော့ အဖေရှိတယ်
ငါ ကျဆုံးလဲလျောင်းရာ အရာတွေရှိတယ်
အသွားအပြန်မှ မဟုတ်ပါဘူး
အလျားအနံမှာလည်း သူ့အထွာနဲ့သူ သူ့အတာနဲ့သူ
ဘာတွေညာတွေ ရှင်းပြနေဖို့မှ မလိုတော့တာ
မြင်တာအားလုံးမှန်တယ် ...

ဘယ်အကောင်မှ အဖတ်မလုပ်တဲ့ ခန္ဒာစုတ်နဲ့လူ
အရှက်လည်း မဲ့၊ မျက်နှာလည်း ပြောင်
ယောင်လို့တောင် လာမခေါ်ကြေး ...

တစ်ဘ၀စာ အမှန်တစ်ခုအတွက်
တစ်ဘ၀စာ အမှားတွေကို လဲပစ်ခဲ့မိတယ် ...
ဒါဟာ ထပ်မှားပြန်တာလား ...
“သွား” စမ်းပါ ... မှားတယ်ဆိုဦးတော့ ...
ရင်ဘတ်ကို စည်တီး ဟီးဟီးဟားဟားတိုက်ပြီးပဲ နေလိုက်မယ်

ပုဆိုးကိုပိုက်ကာ စောင်ကိုပိုက်ကာ ... လိုက်ခဲ့ပါ့မယ် ...
မွေးမြေမှာ လူတွေနေမှ ငါ့ခြေတွေ ဦးလှည့်တော့မယ်
လူလိုလို လူတွေနေနေသရွေ့တော့
မျက်ရည်တွေနဲ့အတူတူ ကမ္ဘာကုန်ကျယ်သရွေ့ပေါ့

ကိုဖြိုး

ဘယ်လောက်မုန်းမုန်း ဘယ်လိုတွေစိတ်ပျက်ပျက်
သူက ကိုယ့်လက်ကလေးကိုင်မိလိုက်ရုံနဲ့
အရာအားလုံးမှာ မျက်ရည်စက်တွေ ဖြတ်ပြေးလို့သွား
ရယ်မောပျော်ရွှင်ဖွယ်တွေအတွက်
နံနက်ခင်းတွေ မလိုပါဘူး ...
တစ်နေ့တာ ဖြေရှင်းခြင်းတွေနဲ့
ဒီစာရင်းတွေကို ဆွဲဆုတ်ပစ်လိုက်ကြပေါ့ ...
ပြီးတော့လည်း ပြီးသွားတာပါပဲ ...

တစ်ရက် နှစ်ရက် သုံးလေးငါးရက်
တစ်လ နှစ်လ သုံးလေးငါးလ
နောက်ဆုံးပိတ်မှာ လွယ်မယ့်အိတ်က
စိတ်မပျက်ကြေးလေ

တစ်သံသရာလား
ရှည်လွန်းပါတယ် ...
ဒီတစ်ဘ၀ကိုပဲ စမ်းသပ်ပြီး ဖြတ်ကြပါစို့
ငါတို့ သွားကြည့်ပါစို့ ချစ်သူ ...
စသောသူတွေ နောက်မကျဘူးတဲ့လေ

ကိုဖြိုး

ဒါဟာ ကဗျာတဲ့လား
ကိုယ်က မင်းသားပေါ့
ကိုယ့်အိပ်မက် ဇါတ်ဝင်ခန်းတွေနဲ့ အတူတူကပြ
ဘာတစ်ခုမှ ငိုပွဲတွေ မပါကြေး
ကဗျာတွေနဲ့ ကိုယ်နဲ့အကြားမှာ
လျှပ်စစ်မျှင်တန်းတွေ ခြားတယ်
လူးလွန့်ကာ သွားလာလှုပ်ရှား
ဘ၀တွေက သိပ်ကိုများတယ်

ကဗျာထဲက မင်းသား
ကဗျာတွေ ဖတ်နေရင်းနဲ့ပဲ ကိုယ်က ဘ၀ကို
ဗီလိန်မပါဘဲ ဖြတ်သန်းကျော်လွှား
အို ... သိပ် သားနားနေပါလား

အချိန်တန် ကဗျာဆုံး
ဘုန်းခနဲ ပြုတ်ကျသွား
နှလုံးသားတွေရဲ့ ဆန္ဒမှာ
ကိုယ်ဟာ အိပ်မက်ကို ကဗျာစပ်ခဲ့သူပေါ့
ခုတော့လည်း ...
နာနာကျင်ကျင်နဲ့ ကဗျာတွေကို
ဖတ်နေရင်းနဲ့ မုန်း။

ကိုဖြိုး

လောကကို ဖြတ်တိုက်လာတဲ့လေနဲ့မှ
ကျွန်တော်က သွားဝင်တိုက်တယ်
အိပ်ငိုက်လိုက်တာ ...

အလိုက်မသိသူ့ တမ်းချင်းမှာ
လွမ်းဆွေးတမ်းတရခြင်းတွေပါတယ်
သိပါလျှက်ကယ် မြင်ပါလျှက်ကယ်နဲ့
မသိယောင် မမြင်ယောင်ပြု
ဟောဒီလောကကို မျက်ခွံတွေ လေးလံစွာ အံတုတယ်
ဘာကို မှုပြရမှာလဲ
ကိုယ့်စိတ်ထဲ ရှိတိုင်း ဆဲရဲဖို့က
နည်းနည်း သတ္တိကောင်းမှရတယ်
စကားကလည်း ချိုပါဦးမှ
ဆဲရာမရောက် စွဲစေရာရောက်တယ်
အခုတော့ နောက်ကျလွန်းပေါ့ကွယ်

အရာအားလုံးအတွက် အဆင်ပြေစေတာဆိုလို့
ငါတို့ မျက်ခွံတွေပဲရှိတယ်
မမြင်ယောင် မတွေ့ယောင်ဆောင်ဖို့
ခဏတာ နားနေဖို့
အိပ်ငိုက်လိုက်ကြပါစို့လေ ... ။

ကိုဖြိုး

ဟောဒီကောင် လူဖြစ်ကြောင်း သက်သေထူဖို့ ...

အဆင့်အတန်းမြင့် လူတစ်ယောက်ဖြစ်ကြောင်း သက်သေထူဖို့ ...
ဘာတတ်ကြောင်း ညာတတ်ကြောင်း ...
ဘာတွေကို ဘယ်လိုလုပ်ခဲ့ကြောင်း ...
သက်သေတွေထူဖို့ ...
အမှတ်တံဆိပ်တစ်ခု တပ်ပေးပါ ...

ဈေးကောင်းကောင်းနဲ့ ရောင်းဝယ်ဖောက်ကားနိုင်စေဖို့ ...
လူတကာငေးမောအားကျနေစေဖို့ ...
ဒင်္ဂါးသံတစ်ချွင်ချွင်ပေး ခြေအေးဝမ်းရောင်စေဖို့ ...
ထီးဖြူပြီး ဖိနပ်ပါးစေဖို့ ...
သွားစရိတ်လာစရိတ်တွေ ကုန်စေကျစေဖို့ ...
မြင်မြင်ကရာ တွေ့တွေ့ကရာတွေ
သွားရည်တမြားမြားကျသွားစေဖို့ ...
ဟောဒီကောင့်ရင်ဘတ်ကို အမှတ်တံဆိပ်တပ်ပေးပါ ...

လူဖြစ်ကြောင်း သက်သေပြဖို့
ISO နိုင်းဘဲဥဘဲဥ ... လက်မှတ်ပြပေးပါ
Certified to ..... မှာ လက်မှတ်ထိုးပေးပါ
ဘာ Pass ညာ Pass တွေ ထုတ်ပေးပါ
ငါ လူလိုသူလိုနေနိုင်ပါလျှက်ကယ်နဲ့
လူနဲ့သူနဲ့ မတူသလိုဖြစ်ဖြစ်နေလို့ပါလေ

အဲဒီ သောက်သုံးမကျတဲ့ အမှတ်တံဆိပ်တွေကိုပဲ
လူဖြစ်ကြောင်း ထောက်ခံချက်ကလေးဖြစ်ဖြစ် တံဆိပ်တပ်ပေးကြပါတော့
ဟောဒီဘ၀ကို ဟောဒီကောင်က
စာရွက်စာတမ်း မပြနိုင်လွန်းလို့ပါလေ။

ကိုဖြိုး

စက်တင်ဘာမိုးက

ဘာအညှိုးမှလည်း မရှိပါဘဲ “ရွာ”
စက်တင်ဘာနေကလည်း
ဘာတန်ခိုးမှ မရှိပါဘဲ “ပြင်း”
ဟောဒီရင်ဘတ်ထဲမှာလေ “ခံပြင်း” နေလိုက်တာ
လူဖြစ်ရတာ “ရင်နာ” တယ်

ကိုဖြိုး

ကဗျာဆရာပေါ့

စကားလုံးတွေနဲ့အတူတူ
ဟောဒီလောကကို ရင်ကွဲနာကျနေလိုက်တာ
အရာအားလုံးထက်ပိုတဲ့ အရာတစ်ခုကို
သူတွေ့ရှိသွားခဲ့မိလို့တဲ့လေ
သိပ်ချစ်ဖို့ ကောင်းတာပဲလို့တောင်မှ
မရေရွတ်ရဲ မငြီးတွားရဲ
သိပ်သည်းစွာ သိမ်ငယ်နေမိပြန်ပေါ့

အရာအားလုံးထက်ပိုတဲ့ အရာတစ်ခု
အရာတစ်ခု .. ရင်ဘတ်အက်ကြောင်းအတုတွေနဲ့အတူ
မြင်မြင်ရာကို ပြုစုခဲ့တယ်
အခုတော့လည်း ခရာတာတာ ညုတုတုရယ်နဲ့
လူ့ဘ၀ကို အက္ခရာတွေသုံးပြီး တည်ဆောက်မိလိုက်တော့
ဗြုန်းဆို ပြုတ်ကျသွားခဲ့တာတွေက
ရင်ခုန်သံ အသံခုနှစ်ထပ်
ပြီးတော့လည်း မတ်နေအောင်ထရပ်
လဲကျခါနီးလက်က ထရပ်ခါနီးခြေထောက်ကို ဆွဲချတယ်
ငါ့မှာက တစ်ဝက်တစ်ပျက်တွေချည်းပါပဲ
အားလုံးကလည်း မပြီးဆုံးသေးပေါ့

ဘ၀ထဲမှာ
ငိုချင်းရှည်တွေချည်း ချပြရလွန်းတော့လည်း
မျက်လုံးတွေတောင် မို့အစ်လို့နေကြတယ်
ပြီးတော့လည်း ပြီးတာပါပဲကွယ်လို့
ပါးစပ်ကထုတ်ကာပြော
ရင်ထဲမှာ မောလိုက်တာကွယ်။

ကိုဖြိုး

စက်တင်ဘာဟာ စက်တင်ဘာပါပဲ
အရင်နှစ်တွေတုန်းကအတိုင်းပဲ

မိုးတွေက မတော်တဆလိုလိုနဲ့ ရွာချ
ငါ့မှာ မျက်ရည်တွေ ဖြိုင်ဖြိုင်ကျလိုက်ရတာ

ပြီးတော့လည်း
အိပ်မောကျ ...
ချစ်သောသူကို လွမ်းရတဲ့ညက
တစ်ညလုံးလုံး စက်တင်ဘာအကြောင်းတွေကို စဉ်းစား
အရင်နှစ်တွေတုန်းကတည်းက ဖျားနာနေခဲ့တဲ့
နှလုံးသားတွေကို
ဘယ်သူတွေ စာနာနေကြပြီလဲ။


ကိုဖြိုး

ကျွန်တော်က တိမ်ကလေးပေါ့
ချစ်သူက မုတ်သုံလေကလေး ဖြစ်တယ်
ကျွန်တော့်မှာ လွင့်လိုက်ရတာ
ဒါဟာ အချစ်နဲ့ ကျွန်တော့်ရဲ့ ရာသီဥတုပေါ့

ကျွန်တော်က လူဆိုရင်
ချစ်သူက ကျွန်တော့်ဘ၀ကလေးပေါ့
ကျွန်တော်တို့နှစ်ယောက်က လူ့ဘ၀ဖြစ်တယ်

ကျွန်တော်က လမ်းပေါ်မှာ လွင့်လွင့်သွားတဲ့
ရွက်ကြွေကလေးလည်း ဖြစ်တယ်
ချစ်သူက အဲဒီရွက်ကြွေကလေးကိုမှ ဖြတ်နင်းသွားတယ်
ပြီးတော့လည်း ရယ်လိုက်မောလိုက်ပါပဲ
ကျွန်တော့်မှာသာ ခါးကျိုးပြီး ကျန်ရစ်ခဲ့ရ

ဘ၀ဆိုတာကို ရယ်စရာမောစရာလို့
သဘောထားခဲ့ပြီးကတည်းက ကျွန်တော့်မှာ
ရယ်ရတာထက် မောရတာက ပိုပိုများများနေပေါ့
ဒီတစ်ခါလည်း ထပ်မံရှူံးနိမ့်ပြန်ပေါ့
ထားလိုက်ပါဦးကွယ်
နားနားနေနေနေဖို့တောင် အချိန်တွေက မလုံမငနဲ့
ကျွန်တော့်ကိုယ် ကျွန်တော်ပြန်ထနိုင်ဖို့
ကျွန်တော့်တောင်ဝှေးလေး ကျွန်တော်ပြန်ဖြစ်ရဦးမယ်

အဲဒီ မိုးနှောင်းရာသီရဲ့ တစ်နေ့မှာ
ကျွန်တော့်ကိုယ်ကျွန်တော် ပြန်ရှာလို့ မတွေ့တော့ဘူး
ကျွန်တော့်ကိုယ် ကျွန်တော် ကျပျောက်သွားခဲ့
ကျွန်တော်နဲ့ ကျွန်တော့်ရဲ့ ကျွန်တော်တို့
အတူတကွ နေထိုင်နေကြရင်း
ချစ်သူကို တမ်းတလွမ်းဆွတ်နေမိပေါ့
လောကမှာ ဟန်လုပ်ပြီး ပြုံးပြနေရတာတွေက များလွန်းတော့
ပါးအညောင်းဖြေစက်ကလေးတစ်လုံး လိုမယ်

ဘာတစ်ခုမှ မသေချာတဲ့ဘ၀မှာ
ကိုယ့်သေနေ့ကို ကိုယ်ပြန်ရေးချလိုက်ရတာလောက်
သေချာနေတာ မရှိတော့ဘူး
အား … တယ်လည်း အရသာရှိသကိုးကွယ်
သူငယ်ချင်း …
“ငါ … ဒီနေ့ကို ရွေးချလိုက်တယ်”
အားရပါးရ … ။

ကိုဖြိုး

ငါ့ကိုက မနေတတ် မထိုင်တတ်နဲ့
မာနကလည်း တစ်ခွဲသားတင်မဟုတ်
နှစ် .. သုံး .. လေး .. ငါး ခွဲသား ..
ပြီးတော့ စကားလည်း သောက်ကြီးသောက်ကျယ်ချည်းပဲ ပြောတတ်သူ
အနုပညာ ကိုယ်ခံအားကလည်း နေလေတော့
ခဏခဏဖျားတယ် …
လေတိုးသံ မခံနိုင်တဲ့ သစ်ရွက်တွေလို
ကိုယ့်ကိုယ်ကို ပြန်ပြန်မုန်းရတာလောက်
အရသာ ရှိတာ မရှိဘူး
သူငယ်ချင်းရေ … မင်း ချစ်တယ်ဆိုတဲ့ ကဗျာဆရာက
လူတကာလို မလိမ်မညာတတ်ပါဘူး
ဒါပေမယ့် လူသူတော်ကောင်းတွေထက်တော့ အများကြီး ညစ်ပတ်တယ်
အများကြီး ယုတ်မာတယ် …
ဟန်ဆောင်ပန်ဆောင် မာတိကာတွေ ဆွဲဆွဲချပြပြီးကာမှ
ဘာစာတစ်ပိုဒ်မှ ပါမလာတဲ့ စာအုပ်တွေလို
ငါ့ဘ၀ကို ငါမနေတော့ဘူးလေ …

ငါကတော့ ခပ်ယုတ်ယုတ်ပါပဲ
မကျေနပ်ရင် အော်ဆဲဖို့ကိုချည်း အားယူယူနေမိတယ်
မင်းကော … ကျေနပ်ပါတယ်လို့ ပြုံးပြီး ပြောချင်သေးတာလား
ဒီမယ် သူငယ်ချင်း ငါ့ဘ၀ကို ငါအရင်းအတိုင်းပဲ နေခဲ့တယ်
စာတစ်မျက်နှာအတွက်နဲ့တော့ ကိုယ့်စာလုံးကိုယ်ပြန်ပေါင်းမနေတော့ပါဘူး