နောက်ကျနေတဲ့ ပရော်ဖက်ဆာတွေက
ဟောဒီကမ္ဘာကို အတိုင်းသား မြင်လိုက်ကြတယ်

အဲဒီပရော်ဖက်ဆာတွေနဲ့ ဟောဒီကမ္ဘာ
ကယ်လို့မရနိုင်တာတော့ သေချာသွားပြီ

ကဗျာဆရာလက်တစ်ဆုပ်စာနဲ့တော့
ဘာကာရံမှလည်း မလှတော့ပါဘူး

အရာရာဟာ အရင်ကနဲ့ ဟိုးအရင်ကလိုပါပဲ
နောက်ကျနေခဲ့ပြီ ...

ကိုဖြိုး

တကယ်လို့ ကျွန်တော်ထွက်သွားခဲ့ပြီဆိုရင်
သစ်သားကဗျည်းတစ်ချပ်လေးတောင်မှ ချန်မထားကြေး
အသုံးမ၀င်တဲ့ ရေပွက်ကလေးတစ်ခုရဲ့ အမှတ်သင်္ကေတ
ဘယ်သူတစ်ဦးတစ်ယောက်ကိုမှ မပြကြေး

လမ်းမဆုံးသေးပေမယ့် ခရီးကတော့ ဆိုက်ခဲ့ပြီ

ကိုဖြိုး

မိုးတိမ်တွေ ညိုတာ ဘာလို့လဲ မေးရင် ...
သူတို့လည်း ...
ကိုယ့်လို ငိုချင်လို့ ဖြစ်မှာပေါ့ကွယ် ...

မေမေရယ်လေ ...
သားဘ၀က နာလိုက်တာ ...
စိတ်ထင်တိုင်းပေါက်ခဲ့ပြီးမှ
လိုရာခရီးမရောက်လိုက်ရတဲ့ ဘီးလို
ခုတော့လည်း သံချွန်မြမြတစ်ခုက
ရင်ဘတ်ထဲ ရှလို့နေပေါ့ ...

လူ့သဘောက်တွေကြောင့်
စိတ်ကလည်း နှောင့်လို့နေရတယ်
ပတ်ဝန်းကျင်ဆိုတာ အတင်းပြောရုံကလွဲလို့
ဘာမှ မလုပ်ပေးတတ်တဲ့ သတ္တ၀ါတစ်ကောင်ပေါ့
ပြောင်းချင်တိုင်း ပြောင်းသွားတတ်ကြတဲ့ စိတ်တွေကြားမှာ
ကျွန်တော့်အိပ်မက်ကလေး ပါးပါးလှပ်လှပ်ရယ်နဲ့
ထောင်းခနဲ ထောင်းခနဲ ကြိုးတွေပြတ်ထွက်သွားတယ်

မသင့်ပါဘူးကွယ်တဲ့
လောကရဲ့ စည်းမျဉ်းစည်းကမ်းတွေကြားမှာ
တိတ်တိတ်ကလေး ကျိတ်ငိုဖူးခဲ့ရတာတွေကို
ဘယ်သူ သိနားလည်မှာလဲ

ဖြစ်နိုင်ရင်တော့လည်း
စိတ်ပြေလက်ပျောက်အနေနဲ့
လမ်းလေးခွဆုံမှာ ထိုင်ပြီး
တွေ့သမျှလူကို တိုးတိုးကလေး ထိုင်ဆဲနေလိုက်ချင်မိတယ်
ကိုယ့်ကိုယ်ကို စပြီးတော့ပေါ့ကွယ် ...

မိုးတိမ်တွေ ညိုတာ ဘာလို့လဲ မေးရင် ...
သူတို့လည်း ...
ကိုယ့်လို ငိုချင်လို့ ဖြစ်မှာပေါ့ကွယ် ...

ကိုဖြိုး