ငါ့အသားမျှင်တွေကို ခြစ်ထုတ်
ငါ့အရိုးကို အုတ်ဂူပြန်လုပ်လိုက်တယ်

ငါဟာ ...
သူများနောက်မှ မုန့်ရတဲ့
ကလေး

အထင်အမြင်သေးတတ်ကြတဲ့ လူတွေရဲ့အကြားမှာ
နောက်ဆုံးကနေ ၀င်ရပ်မိပြန်ခဲ့
ဦးစားပေးစာရင်းဆိုတာကို
အမောတကော ပြေးပြေးပြီးလည်း
ကြည့်တတ်သေးတယ်

မျက်ရိုးမျက်ရိပ်တွေကလည်း
အသုံးမကျခဲ့ပါဘူးကွယ်
ငါ့ဘက်ကို တစ်ချက်လှည့်မကြည့်သူတွေအတွက်
ငါ့မျက်နှာပျက်သွားလည်း
သွားတာပဲရှိလိမ့်မယ်

လောကလေဆန်ကို ပျံတက်ဖို့ အားယူ
ခုတော့လည်း ချည့်နဲ့တဲ့ ခါးနဲ့
သူရဲအိုတစ်ယောက်ရဲ့ ခံစားချက်မျိုး
ဓားအိမ်ကို တင်းနေအောင် ဆုပ်လိုက်တယ်

မျက်ရည်တစ်သုတ် ရုတ်ခနဲအကျမှာ
ငါ့ဘ၀ကို ငါတကယ်ပဲ
ပြန်ရှာလို့တွေ့မှာလား။

ကိုဖြိုး

ပိုက်ဆံတွေလည်း ထပ်တလဲလဲ မကုန်ချင် ... ရုပ်ရှင်ဝါသနာအိုးဆိုရင်တော့ အွန်လိုင်းကနေ အလကားကြည့်လို့ရတဲ့ ရုပ်ရှင်တွေကို စိတ်ဝင်စားမယ်ထင်တယ် ... ကွန်နက်ရှင်မကောင်းရင်တော့လည်း မတတ်နိုင်ဘူးပေါ့လေ ...

ပထမဆုံး မိတ်ဆက်ပေးချင်တာကတော့ ဖုန်းရှင် ဆိုတဲ့ ကိုရွှေတရုတ်ဆိုဒ်တစ်ခုပေါ့ ... ၀င်လိုက်တာနဲ့ တရုတ်စာတွေချည်း မြင်လို့ စိတ်တော့ညစ်မသွားနဲ့နော် ... သူတို့လည်း ကျွန်တော်တို့လိုပဲ တရုတ်စာသည်တို့စာ လုပ်ထားတာနေမှာပေါ့။ ညာဘက်မှာ မြားပုံလေးနဲ့ V1. ဆိုတဲ့ ဟာလေးတွေ့လိမ့်မယ် နှိပ်ထည့်လိုက်ရင် သူ့ Client ဆော့ဖ်ဝဲလ်ကိုရပြီ။ ဒါကို စက်ထဲသွင်းထားလိုက်ရုံပါပဲ။ နောက်ဆို အဲဆော့ဖ်ဝဲလ်လေးဖွင့် ကြည့်ချင်တဲ့ကားကို ပုံလိုက်ရှာ ... ဖွင့်ထားလိုက်ရုံပဲ။ သူ့ဟာသူ ဆွဲနေလိမ့်မယ်။ ဆွဲလို့ပြီးပြီဆိုရင် ခွေထိုင်ကြည့်နေသလိုပဲ ကြိုက်သလို ကျော်ကြည့် ရစ်ကြည့်။ သူကတော့ အင်္ဂလိပ်၊ တရုတ်၊ ကိုရီးယား၊ စုံနေတာပဲ။

နောက်တစ်ခုအနေနဲ့ကတော့ မြန်မာကားတွေ၊ သိုင်းကားဇာတ်လမ်းတွဲတွေ၊ ကိုရီးယားကားတွေ၊ ဟောလီးဝုဒ်က ဇာတ်ကားကောင်းတွေကို စုစည်းပေးထားတဲ့ ရွှေအိုးကိုပါ။ ကွာလတီသိပ်အကောင်းကြီး မဟုတ်ပေမယ့်လည်း ထစ်ထစ်ငေါ့ငေါ့မဖြစ်ဘူးဆိုတော့ ကြည့်လို့အဆင်ပြေပါတယ်။

လောလောလတ်လတ် တခြားသိတာတွေ မရှိသေးတော့လည်း ဒါလေးတွေနဲ့ ကျေနပ်နေရတယ်ဗျ။ စာဖတ်သူတွေထဲကနေ ဘယ်ကတော့ဖြင့် ရသေးတယ်ဆိုတာမျိုး ကွန်မက်ခဲ့မယ်ဆိုရင် ထပ်ပြီးဖြည့်စွက်ပေးပါ့မယ်။

မြန်မာဇာတ်ကားတွေကို ဒီနေရာကနေလည်း ကြည့်လို့ရပါတယ်။
တရုတ်သိုင်းကားတွေကြိုက်တယ်ဆိုရင်တော့ ဒီနေရာမှာ ကြည့်ပါ။ နောက်ပြီး ဒီနေရာတွေ၊ ဒီနေရာတွေ၊ ဒီနေရာတွေမှာကောပေါ့။

မနက်ခင်း အာရုဏ်ကလင်းပြီဆိုတာနဲ့
လောကဟင်းလင်းပြင်ထဲမှာ
ဖြတ်နင်းသွားလာနေကြတဲ့ လူတွေ လူတွေ
ခပ်လှမ်းလှမ်းက ကြည့်နေရရုံနဲ့
ကမျူးရဲ့ ပုလိပ်ကို ပြေးပြေးပြီး သတိရမိစေတယ်
သူတို့ရဲ့ ဦးနှောက်ထဲမှာ
အသက်မွေးဝမ်းကျောင်းမှုဘာသာရပ်တွေကို ထည့်ထားပြီး
တိုးဝှေ့သွားလာနေကြတယ်လေ

တစ်ကိုယ်ရေတကာယလှည့်ပြန်လာခဲ့မိတဲ့ လမ်းပါပဲ ...
ဘယ်သူကမှ အရေးတယူမလုပ်တဲ့ နေ့ရက်တွေများစွာမှာ
ငါတစ်ယောက်တည်း ...
လင်းနေအောင် ထိုင်နေပေမယ့်လည်း
လင်းမလာသေးတာကို မှောင်နေအောင် ခံစားရတယ်

ကျေးဇူးပြုပြီးတော့ အဲဒီ ကြွက်ထောင်ခြောက်ကြီးရဲ့ တံခါးကို
ချိုးဖျက်ဖွင့်ပေးလိုက်ပါ ...

ကိုဖြိုး

Facebook မှာ စကားရှည်မိလို့ အသေးစိတ်ပြန်ရှင်းပြထားရတာကို ဒီဘလော့ဂ်ပေါ်မှာလည်း ထပ်တင်ပေးလိုက်တာပါ။
ဒေါက်တာ အေ၊ အမ်ဘေကာ M.A.,Ph.D.,Olitt.,Bar-at-Law,D.Sc.,M.L.C., အိန္ဒိယတရားဝန်ကြီးချုပ်ဟောင်းက မေး၍ ဘိက္ခူအရိယဓမ္မ B.A က ဖြေကြားသော ဗုဒ္ဓ၀ါဒပြဿနာများ စာအုပ်မှ ကိုးကားထားပါတယ်။
၁။ နာမရူပပရိဂ္ဂဟဥာဏ် (စိတ်တို့၏ တကယ့်သဘာဝနှင့် ရုပ်တို့၏ တကယ့်သဘာဝကို ပိုင်းခြား၍ သိသောပညာဥာဏ်အလင်း)
၂။ ပစ္စယပရိဂ္ဂဥာဏ် (စိတ်နှင့်တကွ အထောက်အပံ့သဘောတို့ကို၎င်း၊ ရုပ်နှင့်တကွ အထောက်အပံ့သဘောတို့ကို၎င်း ပိုင်းခြား၍ သိသောပညာဥာဏ်အလင်း)
၃။ ပမ္မသနဥာဏ် (ရုပ်၏ ဖြစ်ပျက်မှု၊ နာ၏ ဖြစ်ပျက်မှုတို့ကို မမြဲခြင်း၊ ဆင်းရဲခြင်း၊ အစိုးမရခြင်းတို့ဖြင့် မြင်သောပညာဥာဏ်အလင်း)
၎။ ဥဒ္ဒယဘယဥာဏ် (ရုပ်နာမ်တို့၏ ဖြစ်ပျက်မှုကို ရှုမြင်သော ပညာဥာဏ်အလင်း)
၅။ ဘင်္ဂဥာဏ် (ရုပ်နာမ်တို့၏ အပျက်ကိုသာ ရှုသော ပညာဥာဏ်အလင်း)
၆။ ဘယဥာဏ် (ရုပ်နာမ်ကို ကြောက်မက်ဖွယ် ရှုမြင်သော ပညာဥာဏ်အလင်း)
၇။ အာဒိန၀ဥာဏ် (ရုပ်နာမ်တို့၏ အပြစ်ကို ရှုမြင်တတ်သော ပညာဥာဏ်အလင်း)
၈။ နိဗ္ဗိဒါဥာဏ် (ရုပ်နာမ်တို့ကို ငြီးငွေ့သော ပညာဥာဏ်အလင်း)
၉။ မုစ္စိတုကမျတာဥာဏ် (ရုပ်နာမ် ပျက်စီးမှုတို့မှ လွတ်မြောက်လိုသော ရှုမြင်မှု ပညာဥာဏ်အလင်း)
၁၀။ ပဋိသင်္ခါဥာဏ် (တဖန် လွတ်လိုသော ရှုမြင်မှု ပညာဥာဏ်အလင်း)
၁၁။ သင်္ခါရူပေက္ခာဥာဏ် (ဖြစ်ပျက်မှုတို့ကို လျစ်လျူပြု ရှုမြင်သော ပညာဥာဏ်အလင်း)
၁၂။ အနုလောမဥာဏ် (အောက်ကသိပြီးသော ပညာအလင်းနှင့် အထက်ဆက်သိရန် ပညာအလင်းတို့ကို လျော်စွာ ရှုမြင်သော ပညာဥာဏ်အလင်း)
၁၆။ သကဒါဂါမိ မဂ်ဥာဏ် (လောဘ၊ ဒေါသဖြင့် တွေဝေမှုတို့ကို ထပ်၍ ထပ်၍ ပယ်သော ပညာဥာဏ်အလင်း)
၁၇။ သကဒါဂါမိ ဖိုလ်ဥာဏ် (ဤ အထက်ပါ မဂ်ဥာဏ်၏ အကျိုး)
၁၈။ အနာဂါမိမဂ်ဥာဏ် (ကာမ၊ ရာဂနှင့် စိုးရိမ်စိတ်တို့ကို ကုန်စင်အောင် ပယ်သော ပညာဥာဏ်အလင်း)
၁၉။ အနာဂါမိဖိုလ်ဥာဏ် (ဤ အထက်ပါ မဂ်ဥာဏ်၏ အကျိုး)
၂၀။ အရဟတ္တမဂ်ဥာဏ် (ကိုယ်တွင်းရန်သူ ဟူသမျှတို့ကို အကြွင်းမဲ့ ပယ်သော ပညာဥာဏ်အလင်း)
၂၁။ အရဟတ္တဖိုလ်ဥာဏ် (ဤ အထက်ပါ မဂ်ဥာဏ်၏ အကျိုး)
၂၂။ ပစ္စဝေက္ခနဥာဏ် (အဖန်ဖန် ဆင်ခြင်တိုင်း မြင်သော ဥာဏ်)

မိုးနှင့်မိုး
ရေနှင့်ရေ
မီးနှင့်မီး
နှင်းနှင့်နှင်း

ဘ၀ကို ခရီးတစ်ခုလို ရွက်လွှင့်ရင်းမှာ
မုန်တိုင်းတွေနဲ့ချည်း တိုးခဲ့ရတယ်

လှိုင်းအခုန် လေအလူးမှာ
မူးပြီးလဲကျသွားရတဲ့
ကြက်ခွပ်ကလေးတွေ ရှိတယ်

ရေတစ်ပွက်လို ပွက်တက်လာတဲ့
ငါ့တစ်သက်မှာ
မှတ်မှတ်ရရတွေချည်းပဲ

ကိုဖြိုးနှင့် ကိုဖြိုး
ယှဉ်ပြိုင်ရင်းတိုက်ခိုက်ရင်း
ငါနှင့်ငါ နှိုင်းယှဉ်ရင်း
ဖြစ်ချင်တာတွေက
ဖြစ်သင့်တာတွေကို အကျောပေးလိုက်ချိန်
ငါ့ဘ၀ရဲ့ မီးအိမ်ကလေး
မီးစာမှိန်မှိန်ကလေးနဲ့ပေါ့
လောင်စာတိုးဖို့
မိုးတို့လည်း စွေအောင်ရွာ ...

ကိုဖြိုး

ပြီးလွယ်ပျက်လွယ် ဘ၀မှာ
ပြေပြေပျောက်ပျောက် ဖျောက်ပစ်လိုက်ချင်တဲ့
အမှတ်တရ အမာရွတ်တွေလည်း ရှိတယ်

မေ့လွယ်မူးလွယ်တဲ့ နေ့တွေမှာ
မေ့မသွား မူးမသွားတဲ့ ခံစားချက်တွေလည်း ရှိတယ်
မေ့နေပြီထင်နေတာတောင် သတိတွေရရနေတတ်တုံး

ဥကွဲပြီးသိုက်ပျက်သွားတဲ့ နေ့ရက်အဟောင်းတွေမှာ
ဥမကွဲသိုက်မပျက်သွားတဲ့ ရင်ခုန်သံတွေ ရှိနေဆဲ

စကားလုံးပေါင်း ခြောက်သောင်းခွဲကျော်ကို
နေ့စဉ်နဲ့ ရက်ဆက်လို ပြောဖြစ်ခဲ့ဖူးတယ်
အမှတ်ရနေဆဲလားကွယ်

ငါ့စကားမှာ နွားလည်းမရ၊ တရားလည်းမရ
ငါ့တန်ဖိုးတစ်ခုကို ငါနဲ့ အဝေးရောက်ကာမှတော့
ဖြတ်မနေပါနဲ့တော့ ...
နီးနေတုန်းမှာ မြည်းနေလိုက်စမ်းပေါ့
ပေါ့ချင်ပေါ့ ငန်ချင်ငန်
ကန်တန်တန် ဂျစ်တစ်တစ်နဲ့ကောင်က
ဘ၀ကို မှောင်နဲ့မည်းမည်းကြီးလည်း
တိုးချပစ်ခဲ့ တိုက်ချပစ်ခဲ့ပြီ

တသက်လုံး ဝေးကြရမှာမှ မဟုတ်တာ
အကောင်းဆုံးသော အချိန်တွေကို သိုဝှက်ပြီး
ရင်ဘတ်ကြီးတစ်ခုလုံးကို ရွှေချ
ရတနာတစ်ခုလို "ဥ"ထားလိုက်ပေါ့
အနုပညာလူညာတစ်ယောက်ရဲ့ လမ်းမှာ
အလွမ်းတွေက ပန်းတွေလိုပဲ
ကြွေကြွေကျနေဆဲလေ ...

သင် သိပ်ပျော်နေပါစေ ...

ကိုဖြိုး

တစ်ခါတရံမှာ ပြုံးပြီး တစ်ခါတရံမှာ မုန်းတယ်
(ကိုယ့်ကိုယ်ကို)
မီးခိုးတွေလို တလူလူ တအူအူနဲ့
ငူတူတူငေါင်တောင်တောင် ယောင်တောင်တောင်ပေါင်တောင်တောင်နဲ့
ကျွန်တော်က ...
အမောင်တောင်မှန်း မြောက်မှန်းလည်း မသိတော့သူ

တစ်ရေးမှ မနိုးဘဲ မိုးချည်းစင်စင်လင်းသွားတဲ့ "ည" တွေ
လကလည်း တိုရေရှားရေနဲ့ လင်းရှာတယ်
သူငယ်ချင်း မင်းအဆင်ပြေရဲ့လား
မင်းမျက်နှာလေး အိုစာသွားလိုက်တာကွာ
ငါမရှိနေတော့တဲ့ မင်းနေ့ရက်တွေကို
ထမင်းစားရင်း ရေသောက်ရင်းပဲ ဖြတ်သန်းလိုက်ပေါ့
တစ်ခါတရံမှာ မင်း ...
အိမ်သာတက်ရင်း စာဖတ်တတ်တဲ့ ငါ့ကို
သတိရနေဦးမယ်ထင်တယ်

ငါကလည်း ဒီလိုပါပဲ
လူသာမန်တွေထဲက လူသာမန်အဖြစ်ကို
ချစ်နိုင်မြတ်နိုးနိုင်ဖို့
ကိုယ့်ကိုယ်နဲ့ကို အနိုင်နိုင်မတ်မတ်ထူရင်း
ငတ်ပြတ်သွားတဲ့ မေတ္တာတရားကိုလွမ်းတယ်
လူတစ်ယောက်ရဲ့ တန်ဖိုးကို တမ်းတတယ်
ဘ၀တစ်ခုရဲ့ အလိုမကျနိုင်မှုကို ကျိန်ဆဲနေမိတယ်

အလွဲတွေကို တလွဲလွှဲပစ်ရင်း
ငါ ...
မင်းရှေ့ကို ပြန်ရောက်လာချင်သေးတယ်
ငါ့ဘ၀ကို ငါကျေနပ်နိုင်ဖို့
မင်းမျက်နှာ ရွှင်ရွှင်ပြကို
မြင်ရဖို့လည်း လိုတယ်

ငါလဲကျသွားတိုင်းမှာ
မနိုင့်တနိုင်နဲ့ ထူမတ်ပေးတတ်တဲ့မင်း
အရာရာအဆင်ပြေနိုင်ဖို့အတွက်
ငါ့မျက်ရည်တွေကို သိုဝှက်ထားလိုက်ရဦးတော့မယ်ကွာ

ကိုဖြိုး

ဘ၀ကိုချိုချိုအီအီ
ခါးခါးတူးတူး
မူးမူးလဲလဲ ခံစားပြီးနေမှပဲ

ရေပြင်ကိုဖျက် မပြတ်လို့လည်း
ထူးပြီး ခံစားမနေတော့ပါဘူး

မြေပြင်ကိုဆက် မဆက်လို့လည်း
ထူးပြီး ခံစားမနေတော့ပါဘူး

စလည်ဆုံး သုံးပါးကို လိုက်ရှာရင်း
ဟောဒီ စက်ဝိုင်းထဲမှာ ...
ငါ ...
ရွာလည်နေပါရောလားကွယ် ...

ကိုဖြိုး