ပြေပြေပျောက်ပျောက် ဖျောက်ပစ်လိုက်ချင်တဲ့
အမှတ်တရ အမာရွတ်တွေလည်း ရှိတယ်
မေ့လွယ်မူးလွယ်တဲ့ နေ့တွေမှာ
မေ့မသွား မူးမသွားတဲ့ ခံစားချက်တွေလည်း ရှိတယ်
မေ့နေပြီထင်နေတာတောင် သတိတွေရရနေတတ်တုံး
ဥကွဲပြီးသိုက်ပျက်သွားတဲ့ နေ့ရက်အဟောင်းတွေမှာ
ဥမကွဲသိုက်မပျက်သွားတဲ့ ရင်ခုန်သံတွေ ရှိနေဆဲ
စကားလုံးပေါင်း ခြောက်သောင်းခွဲကျော်ကို
နေ့စဉ်နဲ့ ရက်ဆက်လို ပြောဖြစ်ခဲ့ဖူးတယ်
အမှတ်ရနေဆဲလားကွယ်
ငါ့စကားမှာ နွားလည်းမရ၊ တရားလည်းမရ
ငါ့တန်ဖိုးတစ်ခုကို ငါနဲ့ အဝေးရောက်ကာမှတော့
ဖြတ်မနေပါနဲ့တော့ ...
နီးနေတုန်းမှာ မြည်းနေလိုက်စမ်းပေါ့
ပေါ့ချင်ပေါ့ ငန်ချင်ငန်
ကန်တန်တန် ဂျစ်တစ်တစ်နဲ့ကောင်က
ဘ၀ကို မှောင်နဲ့မည်းမည်းကြီးလည်း
တိုးချပစ်ခဲ့ တိုက်ချပစ်ခဲ့ပြီ
တသက်လုံး ဝေးကြရမှာမှ မဟုတ်တာ
အကောင်းဆုံးသော အချိန်တွေကို သိုဝှက်ပြီး
ရင်ဘတ်ကြီးတစ်ခုလုံးကို ရွှေချ
ရတနာတစ်ခုလို "ဥ"ထားလိုက်ပေါ့
အနုပညာလူညာတစ်ယောက်ရဲ့ လမ်းမှာ
အလွမ်းတွေက ပန်းတွေလိုပဲ
ကြွေကြွေကျနေဆဲလေ ...
သင် သိပ်ပျော်နေပါစေ ...
ကိုဖြိုး
